Komuna e Çairit dhe Ministria e Ekonomisë fillojnë realizimin e fazës së tretë të projektit për sanimin dhe adaptimin e vitrinave të 97 dyqaneve në Çarshinë e Vjetër të Shkupit

4

Nga Çarshia e Vjetër e Shkupit, Kryetari i Komunës së Çairit Visar Ganiu bashkë me Ministrin e Ekonomisë Kreshnik Bekteshi dhe kryetarin e Esnafit të Çarshisë Bejtulla Morina shënuan fillimin e fazës së tretë të projektit të përbashkët për konzervimin, sanimin dhe adaptimin e vitrinave të dyqaneve në Çarshinë e Vjetër të Shkupit.

Kjo fazë përfshin sanimin e vitrinave të gjithsej 97 dyqaneve në vlerë të përgjithshme prej 11 400 000 denarëve dhe realizimin e të njejtit e fillojmë sot me nënshkrimin e kontratës mes Komunës së Çairit dhe operatorit ekonomik KONSTRUKTOR SHPK, i cili u përzgjodh pas përfundimit të procedurës ligjore për furnizim publik.

Me këtë u dëshmua përkushtimi i qartë i të dy institucioneve për gjallërimin e jetës kulturore e turistike në Çarshinë e Vjetër përmes ruajtjes së autenticitetit të saj infrastrukturor.

Merr përditësime në kohë reale në pajisjen tënde, regjistrohuni tani.

Ju gjithashtu mund të shfletoni

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. I pranoj Lexo më shumë