Myftinia e Shkupit garanton: Teatri i Fëmijëve vazhdon punën aty ku është

97
Ditën e sotme kryetari i Komunës së Çairit, Visar Ganiu ishte në vizitë në Myftininë e Shkupit dhe me këtë rast u takua edhe me myftiun Qenan Efendi Ismailin, i cili dha garancinë e fuqishme se pa marrë parasysh që pronat i janë kthyer Myftinisë përmes procesit të Denacionalizimit, Teatri i Fëmijëve do të vazhdojë me punë aty ku është dhe do të vazhdojë t’i realizojë të gjitha veprimtaritë e veta pa asnjë pengesë. Myftiu informoi se Myftinia as që e ka paraparë ndonjë ndryshim në funksionimin e këtij objekti. Ganiu falenderoi Myftininë e Shkupit për ndihmesën që po е bën për të vazhduar të funksionojë kjo veprimtari kulturore.
“Myftinia na ka siguruar se do të ndihmojë çdoherë ashtu siç na ka ndihmuar deri më tani në fushën e arsimit, sportit, por gjithashtu edhe në kulturë. Ndërsa myftiu na falënderoi për vizitën që i bëmë, e me këtë edhe sqaruam gjithçka sa i përket funksionimit të Teatrit për fëmijë”, tha Ganiu.

Merr përditësime në kohë reale në pajisjen tënde, regjistrohuni tani.

Ju gjithashtu mund të shfletoni

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. I pranoj Lexo më shumë