KRYETARI I KOMUNËS

Visar Ganiu ka lindur më 18.07.1978, në Shkup. Ai rrjedh nga një familje e njohur intelektualësh të cilët punonin si mësimdhënës dhe tërë jetën e tyre ua kushtuan edukimit dhe arsimimit të gjeneratave të reja. I rritur dhe i edukuar nga dy arsimdashës, Ganiu shumë shpejt do të ngjitet majave të edukimit arsimor.
Visar Ganiu është bashkëshort dhe baba i tre fëmijëve.
Dr. Sc. i Kineziologjisë që ka ligjeruar në Fakultetin e Edukatës Fizike, në Universitetin Shtetëror të Tetovës.
Përveç gjuhës amtare shqipe, Visari flet gjuhën angleze, serbo-kroate dhe maqedone.
Njihet si trajner i suksesshëm i cili pa u kursyer punoi me futbollistët e gjeneratave të reja dhe me ekipin e parë të KF Shkupi.
Në vitin 2002 u zgjodh si kryetar i parë i Forumit Rinor të Bashkimit Demokratik për Integrim në degën e Çairit, ndërsa pastaj u zgjodh edhe anëtar i kryesisë qëndrore të Bashkimit Demokratik për Integrim.
Prof. Dr. Visar Ganiu është një personalitet i dëshmuar në skenën politike, punëtor i palodhshëm në të gjitha sferat ku ai ka vepruar. Ganiu, ushtroi detyrën e zëvendës ministrit të arsimit dhe shkencës deri në momentin kur e shpalli zyrtarisht kandidaturën e tij për kryetar të Komunës së Çairit.