Shkolla fillore “Tefejjyz” filloi me punë qysh në vitin 1884, në ndërtesën e ndërtuar nga Hilmi Bej Deralla, e cila më vonë është blerë nga pushtetarët e Perandorisë Osmane dhe është emëruar si “Tefeyyüz İptidai Okulu” („Shkolla Fillore Tefejjyz“). Si edhe të gjitha shkollat nga ky rajon, po ashtu edhe TEFEJJYZ në vitin shkollor 1919/20 hynë nën udhëheqjen e Mbretërisë Jugosllave, pas së cilës vazhdon me veprimtarinë e saj nën emrin “Osman Xhikiç”. Këto informata janë shënuar në librin e Muharem Parapoviç dhe Muharem Musiç e titulluar si “Historia e shkollave të Shkupit” e përgatitur në vitin 1932-33. Këtu theksohet se pushtetarët e Perandorisë Osmane në vitin 1884 e blenë ndërtesën e Hilmi Bej Deralla, ku e formuan “Shkollën fillore Tefejjyz” (“Tefeyyüz İptidai Okulu”).
Siç theksohet edhe më poshtë, shkolla Tefejjyz përmendet edhe në librin “Historia e Shkupit dhe rrethinës” e Salih Asim Bej.