1. Совет на Oпштината

Член 22
Советот на Општината е претставнички орган на граѓаните.
Советот на Општината го сочинуваат 27 претставници на граѓаните избрани на општи, непосредни и слободни избори со тајно гласање.
Мандатот на членовите на Советот трае четири години.
Членот на Советот не може да биде отповикан.

Член 23
Првата седница на новоизбраниот совет ја свикува претседателот на Советот од претходниот состав најдоцна во рок од 20 дена, од денот на завршувањето на изборите.

Ако Советот не се свика во рок од ставот 1 на овој член, членовите на Советот сами се состануваат и под претседавање на најстариот член на Советот го конституираат Советот во рок од 10 дена по истекот на рокот од став 1 на овој член.

Ако седницата не се одржи во рок од став 2 на овој член ќе се распишат нови избори за членови на Советот, на начин утврден со закон.

Член 24
Новоизбраните членови на Советот на конститутивната седница даваат и потпишуваат свечена изјава која гласи:

“Јас (име и презиме) свечено изјавувам дека правата и должностите на член на Советот ќе ги вршам совесно и дека при нивното вршење ќе ги почитувам Уставот, законот, прописите на Советот и дека ќе го штитам уставниот поредок на Република Македонија”.

Член 25
Советот на Општината избира претседател од редот на членовите на Советот, со мандат од четири години.
Претседателот на Советот ги свикува и раководи со седниците на Советот на општината, се грижи за организацијата и работата на Советот и ги потпишува прописите што ги донел Советот и во рок од три дена од денот на нивното донесување ги доставува на градоначалникот заради објавување.

Член 26

Советот на Општината ги врши следните работи:

1. Донесува Статут на Општината и други прописи;
2. Донесува Деловник за работа на Советот;
3. Донесува Програма за работа;
4. Донесува Буџет на општината и Годишна сметка на општината;
5. Ја утврдува висината на стапките на даноците и висината на надоместоците и таксите;
6. Донесува детални урбанистички планови;
7. Донесува Програма за уредување на градежното земјиште;
8. Донесува прописи од областа на заштитата на животната средина и природата, локалниот економски развој, културата, спортот и рекреацијата, социјалната заштита и заштита на децата, образованието, здравствената заштита, противпожарната заштита, во рамките на надлежноста определена со посебен закон или во согласност со национална програма;
9. Донесува Програма за изградба и одржување на локални патишта и улици;
10. Донесува Програма за јавно осветлување;
11. Донесува Програма за изградба, реконструкција и одржување на локални водови;
12. Донесува Одлука за одржување и користење на јавните пазаришта;
13. Го уредува начинот на чистењето на оџаците;
14. Го уредува одржувањето на јавниот простор за паркирање и начинот на неговото користење од локално значење;
15. Одобрува Програма за одржување и користење на паркови и други јавни површини од локално значење;
16. Го уредува одржувањето на гробиштата;
17. Ја утврдува организацијата, делокругот и начинот на извршување на задачите на општинската администрација, на предлог на градоначалникот;
18. Основа јавни служби и врши надзор над нивната работа;
19. Именува членови во управните одбори на јавните служби, кои ги основа;
20. Усвојува програма за работа и финансиски планови за финансирање на јавните служби, кои ги основала;
21. Одлучува за давање дозвола за вршење дејност од јавен интерес од локално значење, во согласност со закон;
22. Ги усвојува извештаите за работата и годишните сметки на јавните служби, кои ги основала;
23. Одлучува за начинот на располагање со сопственоста на општината;
24. Одлучува за начинот на вршење на финансиска контрола на Буџетот на општината, во согласност со закон;
25. Го избира лицето кое раководи со подрачната единица на Министерството за внатрешни работи во општината, во согласност со закон;
26. Го разгледува и усвојува годишниот извештај за јавна безбедност наподрачјето на општината, кој го доставува до министерот за внатрешни работи и Народниот правобранител;
27. Може да дава препораки на раководното лице на подрачната единица на Министерството за внатрешни работи од областа на јавната безбедност и безбедноста во сообраќајот;
28. Избира и разрешува претседател на Советот;
29. Формира постојани и повремени комисии;
30. Врши одделни овластувања во согласност со закон врз добрата од општа употреба и врз природните богатства на подрачјето на oпштината;
31. Востановува општински признанија и награди;
32. Дава мислење по предлог-законите кои се однесуваат на општината;
33. Врши други избори и именувања од своја надлежност;
34. Донесува други одлуки за работите од своја надлежност;
35. Го верификува мандатот на Младинскиот Совет при Општина Чаир;
36. Донесува Акционен план за Младинскиот Совет;
37. Врши и други работи.

Член 27
Советот на општината одлучува со мнозинство гласови од присутните членови на Советот, а најмалу со една третина од вкупнот број на членови на Советот, ако со Статутот не е предвидено посебно мнозинство.
Гласањето на седниците на Советот е јавно освен ако Советот не одлучи за одделни прашања гласањето да е тајно.
Прописите кои се однесуваат на културата, употреба на јазиците и писмата на кои зборуваат помалку од 20% од граѓаните во Општината, утврдувањето и употребата на грбот и знамето на Општината се усвојуваат со мнозинство гласови од присутните членови на Советот, при што мора да има мнозинство гласови од присутните членови на Советот кои припаѓаат на заедниците кои не се мнозинско население во Општината.

Член 28
Вонредна седница се свикува за прашања од значење за безбедноста и сигурноста на граѓаните, за прашања кои настанале поради вонредни околности (пожар, поплави, земјотреси, епидемија ) и при посета на делегација од друга земја кога претставник на истата сака да се обрати на членовите на Советот.

Член 29
Вонредната седница ја свикува претседателот на Советот по сопствена иницијатива на предлог на најмалку 1/3 од членовите или на предлог на градоначалникот.
Поканата за седницата со предложениот дневен ред се доставува до членовите на Советот на најбрз можен начин.
Пред отпочнување со работа членовите на Советот гласаат за оправданоста на причините за свикување на седница без материјална расправа.

Член 30
За претресување на прашања од својата надлежност Советот формира комисии.
Комисиите на Советот се формираат како постојани и повремени.
Мандатот на постојаните комисии трае колку и мандатот на членовите на Советот.

Член 31
Постојани комисии и работни тела на Советот се:

Комисија за мандатни прашања, избори и именувања;

• Комисија за финансирање, буџет и локален економски развој;
• Комисија за урбанизам, комунални дејности заштита на животната средина;
• Комисија за родова рамноправност;
• Комисија за односи меѓu заедниците;
• Комисија за Статут и Деловник;
• Комисија за Прописи;
• Комисија за образование и култура;
• Комисија за општествени дејности;
  Младински Совет.

Член 32
Советот со посебна Одлука може да формира повремени комисии за расправање и решавање на одредени прашања од својата надлежност.

Член 33

Комисиите на Советот на општината:

• Расправаат за прашања од областа за која се формирани;
• Даваат мислења и предлози до Советот и
• Ги разгледуваат предлозите на градоначалникот, на членовите на Советот и иницијативите на граѓаните од областите за кои се формирани.

Член 34
Комисија замандатни прашања, избори и именувања :

• Разлгедува и подготвува предлози кои се однесуваат на мандатно-имунитетните прашања;
• Разгледува и подготвува предлози за избор и именување и разрешување од надлежност на Советот на Општината;
• Определува плати, надоместоци и други примања на избрани и именувани лица;
• Ја определува висината на надоместокот на патните и дневните трошоци на членовите на Советот на Општината, како и на трошоци направени во извршуањето на задачите што им ги доверил Советот на Општината;
• Претседателот и членовите на Комисијата ги избира Советот на својата прва седница.

Член 35
Комисијата за финансирање, Буџет и локален економски развој:

• Ги разгледува прашањата во врска софинансирањето на општината;
• Го разгледува Буџетот и годишната сметка;
• Разгледува и прашања кои се однесуваат на планирањето и програмирањето на локалниот економски развој.

Член 36
Комисијата за урбанизам, комунални дејности и заштита на животната средина:

• Ги разгледува прашањата од урбанистичкото планирање;
• Разгледува прашања од работата на јавнитеслужби;
• Разгледува прашања од комуналното уредување наградот – Општината и населени места ;
• Разгледува прашања од заштита наживотната средина и природата.

Член 37
Комисијата за полова рамноправност:

• Разгледува прашања за еднаквите можности помеѓу жените и мажите;
• Разгледува состојби за застапеноста на жените во органитеи учество во проекти од оваа област;
• Разгледува и други прашања од значење за пол. рамноправност.

Член 38
Комисијата за односи меѓу заедниците ги разгледува прашањата кои се однесуваат на односите меѓу заедниците застапени во општината и дава мислења и предлози за начинот на нивно решавање.

Член 39
Комисијата за Сртатут и Деловник покренува иницијатива и разгледува мислења,предлози и сугестии кои се однесуваат на Статутот на Општина Чаир и предлага нивна измени и дополна .
Претседателот на комисијата за Статут според функсијата е претседателот на Советот.

Член 39 – a

Комисијата за Прописи :

• Ги разгледува предлозите за донесување,нацртите и предлозите на Одлуките и на другите општи акти што ги донесува Советот од гледна точка на нивна усогласеност со Уставот ,законите и Статутот на Општина Чаир и со правниот систем , како и гледна точка на нивната правна обработка и за тоа на Советот му поднесува извештај со мислење и предлози;
• Ги разгледува барањата за давање автентично толкување и изготвува предлози на автентично толкување на одлуките и други општи акти што ги донесува Советот ;
• Утврдува пречистени текстови на Одлуки и на други акти на Советот , ако за тоа со акт биде овластена ;
• Врши срамнување со изворниот текст на усвоената Одлука или друг акт на Советот и дава исправки на грешките во текстот на Одлуките или на другите акти што е објавено во “Службен гласник на Општина Чаир”;
• Ги разгледува Одлуките и другите акти на органите на Општината оспорени пред уставен Суд на Република Македонија.

Член 40

Комисија за образование и култура:

• Разгледува прашања поврзани со организацијатана основното образование, училишната мрежа , оснивање и престанок на основните училишта , статут и програма за работа;
• Разгледува учевни програми , финансов план и завршна сметка на основните училишта;
• Ја ралгледува работата на училишните совети и други нешта кои се однесуваат на основното образование и за нив дава мислење , предлози до Советот.Утврдува предлози за членови на училишните Совети.
• Разгледува прашања поврзани со организација,развој и напредок на културата,потикнување на стваралштвото, заштита и употреба на културното благо, функсионирање на музеите и библиотеките,реализација на програмите и предвидените активности, одбележување на важни настани за Општина Чаир и друго кое има значение за кутурата и за тоа дава иницијатива , мислење и предлози до Советот.

Член 40-а

Комисијата за општествени дејности:

• Ги разгледува прашањата во врска со надлежноста на Општината, а кои се однесуваат на културата, спортот и рекреацијата, социјалната заштита и заштита на децата и здравствената заштита
• Разгледува пашања кои се поврзани со развојот на спортот, развојот и подобрувањето на физичката култура и рекреативни активности;
• Разгледува прашања кои се однесуваат на спортски средби и манифестации и други нешта што се заначајни за спортот и за нив дава иницијатива, мислење и предлози до Советот.
• Разгледува прашања поврзани со образованието и едукацијата на младите, иницирање на творештвото кај младите , едукација за заштита и превенција кај младите од зависност и заразни болести(сида) и други нешта кои се однесуваат на младите и за нив дава мислење, иницијатива и предлози до Советот.
• Разгледува прашања поврзани со јавната безбедност и безбедноста восообраќајот како и противпожарната заштита.

Член 40-б

Во Општина Чаир се формира младински Совет како советодавно тело во делокруг за младински прашања и политики, млади во општината од 15-29 години.

Член 40-в

Младинскиот Совет ги врши следните работи:

• Предлагаат точки на дневен ред на Советот на Чаир кои ги засегаат младите,
• Иницираат прашања за млади од делокругот на работата на општината.
• Иницираат, учествуваат и даваат повратни информации за процесот на локална младинска стратегија и други политики,
• Доставуваат информации до општината, за прашања кои се однесуваат на младите и
• Вршат други советодавни и застапувачки работи во согласност со Законот за младинско учество и младински политики.

Член 40-г

Младинскиот Совет брои 7 члена.

Младинскиот Совет се состои од:

• Организации на млади
• Политички подмладоци
• Ученички и студенски организации
• Други облици на младинско здружување.

Член 40-д
Членовите на младинскиот Совет се избираат од Собранието на млади непосредно со тајно гласање во кое право на глас имаат делегтите од локалното собрание на младите во Општина Чаир.
За избрани се сметаат оние кандидати кои освоиле најмногу гласови од страна на присатните делегати.
Членовите на Младинскиот Совет се верификуваат од страна на Советот на Општина Чаир по добиена Одлука од страна на Собранието на млади на Општина Чаир.
Од страна на Младинскиот Совет се избира претседател и заменик Претседател на Младинскиот Совет.

Член 40-ѓ
Советот на Општина Чаир донесува Локална стратегија за млади за период од 5 години.
Локалната стратегија за млади се спроведува со буџетски средства од Општина Чаир.

Локална стратегија за млади е стратешки документ со кој во согласност соНационалната стратегија за млади, се утврдуваат среднорочни цели и приоритети за развој на младинските политики и унапредување на интересите на младите на локално ниво и се утврдуваат организациски, финансиски и административни мерки за нивно остварување.

Локалната стратегија содржи и Акциски план за реализација со дефинирани активности, динамика, носители на активности и проекции на буџетски средства, како и услови и индикатори за евалуација за спроведувањето на локалната стратегија за млади.

Акционите планови за Локална стратегија за млади се изработуваат од страна на Општината во соработка со локалниот Совет а ги донесува Советот на Општина Чаир за период од една година каде се предвидува буџет за реализација.

Член 40-е
Во Општината се формира канцеларија замлади од каде се координира работата за млади во општините и претставува примарна точка за пристап на младите на локално ниво.

Од буџетите на општина Чаир за млади се издвојуваат средства во висина од најмалку 0,1% на годишно ниво.

Член 41
Претседателот и членовите на комисиите ги избира Советот на Општината на предлог на Комисијата за мандатни прашања, избори и именувања.
Предлогот за избор содржи онолку кандидати колку што се избираат членови на работните тела.
Политичките партии кои партиципираат во Советот на Општината ќе бидат пропорционално застапени во вкупнот број на членови на сите комисии.

Член 42
Начинот на работа на комисиите поблиску се утврдува со Деловникот за работа на Советот на Општината.

2. Градоначалник на општината

Член 43 
Градоначалникот ја претставува и застапува Општината.
Градоначалникот се избира на општи, непосредни и слободни избори со тајно гласање во согласност со закон за период од четири години.
Градоначалникот својата функција ја извршува професионално.

Член 44
Градоначалникот во рамки на своите надлежности:

• Иницира и предлага донесување на прописи од надлежност на Советот на Општината;
• Ја контролира законитоста на прописите на Советот;
• Го обезбедува извршувањето на работите кои му се делегирани до органот на државната управа;
• Го предлага годишиот Буџет и годишната сметка на Буџетот на Општината;
• Го извршува Буџетот на Општината;
• Обезбедува правилно и законито користење, одржување и заштита на сопственоста на Општината во согласност со Законот и овој Статут;
• Решава во управни работи за права, обврски и интереси на правни и физички лица, во согласност со закон;
• Раководи со општинската администрација
  Донесува правилник за систематизација на работните места на општинската администрација;
• Одлучува за вработувањето, правата, должностите и одговорностите на вработените во општинската администрација, доколку поинаку не е определено со закон;
• Врши и други работи утврдени со закон и со овој Статут;
• Градоначалникот има право да присуствува и учествува во работата на седниците на Советот.

Член 45
Градоначалникот ги објавува прописите на Советот во “Службен гласник на Општина Чаир”
Градоначалникот го обезбедува извршувањето на одлуките на Советот.

Член 46
Градоначалникот е должен, во рок од седум дена од денот на доставувањето на прописот на Советот, со решение да го запре неговото објавување доколку смета дека не е во согласност со Уставот и законите.
Примерок од образложеното решение за необјавување се доставува до претседателот на Советот на Општината.
Советот е должен, во рок од петнаесет дена од денот на објавувањето на решението да го разгледа и да одлучи по него.
Ако Советот го потврди прописот градоначалникот е должен да го објави и истовремено да поднесе иницијатива за поведување постапка за оценување на уставноста и законитоста на оспорениот пропис пред Уставниот суд на Република Македонија.
Градоначалникот е должен за иницијативата да го информира министерството надлежно за вршење на работите што се однесуваат на локалната самоуправа.

Член 47
Градоначалникот е должен да поднесе извештај за извршување на одлуките донесени од страна на Советот на секои три месеци во текот на годината.
За извршување на своите надлежности градоначалникот го информира Советот по потреба, а најмалку два пати во годината.

Член 48
Градоначалникот управува со сопственоста на општината како добар домаќин.
Во управувањето со сопственоста на општината градоначалникот е должен да презема мерки и да го обезбедува користењето на сопственоста во согласност со закон.

Член 49
За време на спреченост или отсуство до шест месеци градоначалникот го заменува член на Советот на општината кој го назначува градоначалникот.
Градоначалникот е должен со решение да го определи членот на Советот кој ќе го заменува.
Решението од став 2 на овој член се објавува во
“Службен гласник на Општина Чаир”
За денот на настапувањето на спреченоста или отсуството градоначалникот го информира претседателот на Советот.
На членот на Советот му мирува функцијата член на Советот за времето додека го заменува градоначалникот.

Член 50
Во општината се формира Совет на потрошувачи.
Советот на потрошувачите ќе разгледува прашања и ќе утврдува предлози кои се однесуваат на квалитетот на услугите на јавните служби во Општината.

Член 51
Советот на потрошувачите се состои од седум члена, од кои три се претставници на поголемите групи на корисници на јавните услуги и четири се претставници на граѓаните – корисници на услугите.

Член 52
Членовите на Советот на потрошувачите ги избира Советот на општината на предлог на Комисијата за мандатни прашања, избори и именувања.
Мандатот на членовите на Советот трае две год.

Член 53

Советот на потрошувачите:

• Ќе ја следи состојбата на давањето на услуги од страна на јавните служби;
• Ќе се грижи за решавање на проблемите што граѓаните ги имаат при користење на услугите од претпријатијата и установите кои вршат јавни услуги;
• Ќе се грижи за унапредување на односот на службениците кон корисниците на услугите;
• Ќе организира јавни трибини и тркалезни маси на кои ќе се расправа за унапредување на заштита на потрошувачите, и
• Ќе врши и други работи утврдени со овој Статут или друг акт на Општината.