Në natën e dytë të “Ditëve të Fëmijëve”, zemra e Çairit u mbush sërish me këngë, valle, buzëqeshje dhe duartrokitje. Fëmijët morën skenën dhe e kthyen atë në një mozaik ngjyrash, emocionesh dhe talenti, duke i dhënë jetë një mbrëmjeje që u përjetua nga qindra qytetarë.
Nga recitalet dhe performancat muzikore, te vallet që sollën energji në çdo cep të sheshit, çdo paraqitje ishte një dëshmi e pasurisë krijuese që rritet në shkollat tona dhe në mesin e brezave të rinj.
Në këto net qershori, Çairi nuk është vetëm mikpritës i aktiviteteve kulturore. Ai po jeton kulturën. Po e sjell atë në shesh, mes njerëzve, mes fëmijëve, mes familjeve.
Dhe kjo është vetëm java e parë. Vera Kulturore e Çairit 2026 sapo ka nisur.














