Filloi asfaltimi në rrugën “Lekë Dugagjini”

Ekipet e punës të Komunës së Çairit po e asfaltojnë Rrugën “Lekë Dukagjini” (Ish-Pero Toshev) në Lagjen Seravë.

Sot kryetari i Komunës së Çairit, Visar Ganiu edhe personalisht inspektoi punimet që po realizohen për asfaltimin e kësaj rruge, ku siç e informuan ekipet e punës, paraprakisht është bërë instalimi i rrjetit të ri të ujësjellësit dhe kanalizimit përmes mjeteve të TAV.

”Me këtë rast paralajmërova se do të vazhdojmë me modernizimin e infrastrukturës, posaçërisht asaj rrugore gjithandej territorit të Komunës së Çairit”, ka thënë Ganiu.