Kryetari i Komunës së Çairit Visar Ganiu pjesë e Forumit të Rezistencës së Ballkanit Perëndimor kundër ekstremizmit të dhunshëm në Sofje të Bullgarisë
Forumi i Rezistencës së Ballkanit Perëndimor kundër ekstremizmit të dhunshëm i organizuar nga organizata e mirënjohur ndërkombëtare IRI, bashkoi sërish vendet e Ballkanit Perëndimor kësaj rradhe në Sofje të Bullgarisë për të thelluar bashkëpunimin mes tyre në përballjen me ekstremizmin e dhunshëm. Punimet e këtij forumi i ndoqi kryetari i Komunës së Çairit Visar Ganiu, bashkë me Ardian Ismailiн dhe profesorin Burim Latifi.
Padyshim se pjesë e rëndësishme e këtij rrjeti të bashkëpunimit global, janë edhe njësitë e pushtetit lokal që bashkë me ministritë e punëve të brendshme dhe organizatat e sektorit civil krijojnë interaksionin e duhur e të fuqishëm për shmangien e pasojave destruktive që sjell ekstremizmi i dhunshëm.
Komuna e Çairit deri më tani kа shfaqur qasje konstruktive në realizimin e shumë projekteve dhe bashkëpunimeve në drejtim të parandalimit të ekstremizmit të dhunshëm dhe më këtë veprimtari do të vazhdojë edhe më tej.