Në agjendën e punës së kryetarit të Komunës së Çairit Visar Ganiu, bashkëpunimi me qendrat që mundësojnë unifikimin e sfidave të komunave për zhvillim lokal proporcional dhe ulin në tavolinën e punës bashkërisht të gjithë udhëheqësit e komunave kanë një peshë të madhe.
Ai sot realizoi takim pune me udhëheqësin e Qendrës për zhvillim të Regjionit Hapësinor të Shkupit z. Ljupço Mickovski – Kec dhe me Këshilltaren për çështje administrativo – teknike të kësaj qendre znj. Irina Trosjanska, gjatë të cilit shqyrtuan bashkërisht më tepër çështje aktuale që kanë të bëjnë me strategjinë për planifikimin dhe realizimin e projekteve të vitit 2019, prioritare për Komunën e Çairit dhe të gjitha komunat tjera.
Qendra për zhvillim të regjionit hapësinor të Shkupit me funksionimin e saj padyshim se përforcon bashkëpunimin më se të nevojshëm mes njësive të vetëqeverisjes lokale për të ndikuar në realizimin e iniciativave për përmirësimin e kualitetit të jetës së qytetarëve.
