Në përvjetorin e tetë të themelimit të Universitetit “Nënë Tereza”, u mbajt një ngjarje solemne që theksoi rolin e këtij institucioni në avancimin e arsimit të lartë dhe kontributin e tij në formimin e liderëve të ardhshëm. Ky universitet, i cili ka arritur të bëhet një qendër e rëndësishme për zhvillimin e dijeve, ofron mundësi për rritjen akademike dhe profesionale të studentëve, duke promovuar vlera të humanizmit dhe diversitetit.
Në ngjarje morën pjesë Rektori Prof. Dr. Izet Zeqiri, Kryetari i Senatit Prof. Dr. Zoran Gacovski dhe personalitete të tjera të shquara nga fusha e arsimit. Gjatë fjalës së tij, Kryetari i Komunës së Çairit vlerësoi angazhimin e universitetit për ofrimin e një edukimi të cilësisë së lartë dhe nxitjen e dialogut ndërkulturor, duke theksuar se ky institucion është një shembull frymëzues i mundësive që edukimi sjell në zhvillimin e një shoqërie më të mirë dhe të barabartë.
Si Kryetar i Komunës së Çairit, ai shprehu angazhimin e vazhdueshëm për mbështetje dhe bashkëpunim me Universitetin “Nënë Tereza”, duke theksuar rëndësinë e këtij institucioni në ruajtjen e identitetit kombëtar dhe promovimin e vlerave universale. Ai përgëzoi universitetin për këtë përvjetor të rëndësishëm dhe shprehu dëshirën për suksese të mëtejshme në të ardhmen.
