Vendoset gurthemeli i palestrës sportive të SH.F. Fillore “Kongresi i Manastirit” në Çair

4

Pas përfundimit të punëve përgatitore në aspekt të dokumentacionit dhe punëve teknike, Komuna e Çairit dhe Ministria e Arsimit shënuan sot zyrtarisht fillimin e procesit të ndërtimit të palestrës së re sportive të Shkollës Fillore “Kongresi i Manastirit me vendosjen e gurëthemelit të saj. Njoftoj se palestra do të mbajë emrin e legjendës së sportit dhe pishtarit të arsimit Alush Hamidi.

Realizimin e këtij projekti, Kryetari i Komunës së Çairit Visar Ganiu dhe Ministri i Arsimit dhe Shkencës Arbër Ademi ia kanë dhënë vetes si obligim moral në shenjë respekti ndaj angazhimit të deritanishëm për promovimin e vlerave sportive të shumë gjeneratave veprimtarësh para nesh.

Detajet e projektit:
– Vlera: 24 milion denarë dhe
– Hapësira e përgjithshme e palestrës: 650 m².

Të pranishëm në inagurimin e projektit ishte delegacioni i kryesuar nga Kryetari i Bashkimit Demokratik për Integrim Ali Ahmeti, Zëvendës Kryeministri për çështje evropiane Bujar Osmani, Kryetari i parë i Shkupit të Vjetër Izet Mexhiti, Ministri për Investime Vendore Hisen Xhemaili, shumë veprimtarë të arsimit dhe përfaqësues të institucioneve shtetërore që uruan mbarësi të procesit të ndërtimit.

Merr përditësime në kohë reale në pajisjen tënde, regjistrohuni tani.

Ju gjithashtu mund të shfletoni

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. I pranoj Lexo më shumë