21 март – Денот на пролетта и екологијата

Децата од Чаир со посебна порака – на Денот на екологијата продефилираа со облека од рециклирачки материјали.

Денот на пролетта, но и Денот на екологијата – 21 март денеска го одбележавме на посебен начин.

Со мотото „Јас се грижам за природата, грижи се и ти“ децата од градинките „Фидани“ и „Снежана“, како и од училиштата „Хасан Приштина“, „Имри Елези“, „Исмаил Ќемали“, „ Јашар Беј Шкупи“, „Конгреси и Манастирит“, „Тефејуз“, „Лирија“, „Васил Главинов“ и „7 Март“, од општина Чаир, во соработка со просветните работници, наставниците и нивните родители подготвија дефиле со облека направена од материјали за рециклирање.

Со оваа активност денес нашите малечки дадоа пример и ја пренесоа пораката дека има многу начини на кои може и треба да се зачува животната средина.

Им честитам на сите деца, ученици, наставници, родители и директори на училишта и посакувам ваквите активности никогаш да не престанат.