Чаир и Бурса ја продлабочуваат соработката

Денеска во општина Чаир градоначалникот Висар Ганиу ја пречека делегацијата на Република Турција, односно од Бурса, предводена од потпретседателот Сулејман Челик, пратеници во турскиот парламент, како и раководители на општинските сектори.

“На оваа средба со гостите разговаравме за многу плодната соработка што ја започнавме пред многу години со општина Бурса, но разговаравме и за можноста оваа соработка да се подигне на многу повисоко ниво. Во оваа прилика потсетив дека да имаме партнер како Бурса покрај нас значи и да имаме поразвиен Чаир, подобар живот за нашите жители, понапредна благосостојба”, рече Ганиу.

Подготвени сме да дадеме секаква поддршка за да привлечеме дури и инвестиции од Бурса кај нас, да соработуваме за реализација на различни идеи и проекти, бидејќи се знае дека клучот за секој успех е дефинитивно посветеноста на работата и соработката со пријателите.

На денешната средба со делегацијата од Бурса присуствуваа И пратеничката Мерита Коџаџику, претседателот на Советот на општината Јетмир Асани, поранешниот претседател Захир Бектеши, претседателот на ОХ Ел Хилал Бехаџудин Шехапи, општински советници, директори на училишта и градинки како и раководителите на општинските сектори на Чаир.