Ganiu, Muça dhe Georgievski me biçikleta dhe duke luajtur basketboll shënuan Ditën pa automobila
Kryetari i Komunës së Çairit Visar Ganiu, drejtori i Ndërmarrjes Publike “Parqet dhe Gjelbërimet” Ardijan Muça dhe Kryetari i Komunës së Gazi Babës Boris Georgievski shënuan sot Ditën pa automobila duke përcjellur porosi të qartë për rëndësinë e madhe të përdorimit sa më të shpeshtë të biçikletës si mjet transporti për ajër më të pastër, por edhe nevojën për praktikimin e sporteve rekreative që na bashkojnë mes vete e ruajnë vitalitetin tonë shëndetësor.
Ky ishte postimi i kreut të Çairit në lidhje me këtë ngjarje në faqen e tij zyrtare: “Ditë e bukur shtatori me diell sot dhe bashkë me drejtorin e NP “Parqet dhe Gjelbërimet” Ardijan Muça dhe kryetarin e Komunës së Gazi Babës Boris Georgievski morrëm biçikletat dhe u takuam në parkun e Gazi Babës për të shijuar bukuritë e natyrës dhe për të luajtur pak basketboll në ditën e njohur si Dita pa automobila. Kështu jetohet më shëndetshëm, prandaj duajeni e çmojeni natyrën! ”