Gazifikimi në Çair
“Në muajin janar të 2019-s do të hapet tenderi për gazifikim, i cili do të përfshijë tre objekte dhe do të kushtojë 12 milionë denarë”, kështu ka bërë të ditur kreu i Komunës së Çairit, Visar Ganiu nëpërmjet një video të shpërndarë në rrjetin social “Facebook”.
“Pasi që buxheti për vitin 2019 edhe u miratua, tani në janar do të hapet procedura e tenderimit, dhe pas përfundimit të procedurave ligjore do të fillojë edhe realizimi i tij. Si projekt, kemi paraparë kyçjen e gazifikimit për tre objekte: godina e Komunës së Çairit, objekti i Shkollës Fillore Komunale “Ismail Qemali” dhe objekti i Çerdhes “Borëbardha”, thotë në video njoftimin e tij kreu i Çairit, Ganiu.
Sipas projeksioneve të Komunës së Çairit kursimi vjetor duke u bazuar në këtë projekt do të arrijë vlerën prej 3.4 milionë denarë.