Komuna e Çairit vazhdon me sanimin e rrugëve të dëmtuara në territorin e saj

Ekipi i punëtorëve për mirëmbajtjen e shtresës së asfaltit të rrugëve iu përvesh punës dhe përfundoi asfaltimin e pjesës së dëmtuar të bulevardit “Cvetan Dimov” që kishte nevojë për ndërhyrje të menjëhershme si një ndër zonat më të frekuentuara të komunikacionit.

Me këtë rast, kryetari i Komunës së Çairit, Visar Ganiu përmes faqes së tij zyrtare iu drejtua qytetarëve me këto fjalë: “Të nderuar qytetarë, e di saktësisht se cilat rrugë kanë nevojë për ndërhyrje në Çair dhe çdo ditë e imja në agjendën e punës ka prioritet kërkesat e juaja që po mundohem ti realizoj ndaj pak durim e besim! Shënojmë përparim në çdo sferë, por ka edhe shumë punë që bashkë do ti bëjmë realitet!”.