Kryetari i Komunës së Çairit Visar Ganiu realizoj takim pune me Ministrin e Kulturës

70

Kryetari i Komunës së Çairit Visar Ganiu dhe Sekretari Gjeneral i Komunës Nedim Rama vizituan sot Ministrinë e Kulturës për të realizuar një takim pune me njeriun e parë të këtij dikasteri z. Asaf Ademi, të cilin e përgëzuan për emërimin në detyrën e re duke i dëshiruar sukses dhe përkrahje në realizimin e sfidave të shumta në rrugën për të ruajtur dinjitetin kulturor të vendit.

Gjatë këtij takimi kreu i Çairit Ganiu dhe ministri Ademi shprehën gatishmërinë e plotë për bashkëpunim në realizim e shumë projekteve nga sfera e kulturës. Çairi si komunë që posedon shumë monumente kulturore meriton angazhim të përbashkët për ruajtjen e autenticitetit kulturor, por edhe promovimin e vlerave kulturore.

Njëherit, kreu i Çairit Ganiu shprehu faleminderimin e tij personal ndaj ministrit Ademi për mikëpritjen dhe për angazhimin e tij personal për ti ndihmuar Çairit në realizimin e projekteve që kanë të bëjnë me Çarshinë e Vjetër e cila si trashëgimi kulturore është edhe nën kompetenca të Ministrisë së Kulturës.

Merr përditësime në kohë reale në pajisjen tënde, regjistrohuni tani.

Ju gjithashtu mund të shfletoni

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. I pranoj Lexo më shumë