Takimi i 20-të i Komitetit të Përbashkët Konsultativ të CoR dhe Maqedonisë së Veriut

Në cilësinë e nënkryetarit të BNJVL-së dhe kryetarit të Komunës së Çairit, Visar Ganiu, bashkë me Ambasadorin e BE-së në vend, Dejvid Gir, ministrin e Pushtetit Vendor, Risto Penov, kryetaren e Shkupit dhe të BNJVL-së, Danella Arsovska, Jasna Gabriq, kryetare e Komunës Trbovlje, analisten politike nga Brukseli, Marta Muçnik dhe përfaqësues të tjerë nga BE, diskutuan mbi hapat e rinj të rrugës së Maqedonisë së Veriut drejt Bashkimit Evropian.

“Me kë rast mbi të gjitha theksova se mbetet përkushtimi ynë i vazhdueshëm si BNJVL për të vazhduar procesin e decentralizimit, duke mundësuar më shumë mjete financiare për komunat dhe duke i orientuar kapacitetet dhe resurset komunale për shfrytëzim më të madh të mjeteve dhe mundësive evropiane që janë në dispozicion për vendin tonë.

Gjithashtu shtova se shkëmbimi i përvojave me kolegë nga vendet e tjera është i rëndësishëm për ne dhe në këtë drejtim pres praktika dhe histori të mira që do të na frymëzojnë në mënyrë që të përmirësojmë kushtet e jetesës së qytetarëve tanë”, ka deklaruar Visar Ganiu, kryetar i Komunës së Çairit.