Во рамки на проширувањето на меѓуучилишната соработка, Општинското основно училиште „Исмаил Ќемали“ – Чаир и Основното училиште „Халил Алидема“ – Пожаран, Општина Вити, ја формализираа својата соработка преку потпишување Меморандум за соработка.

Документот беше потпишан од директорките г-ѓа Теута Имери и г-ѓа Дрита Пира, а за време на средбата беа разменети конкретни идеи за реализација на заеднички активности, вклучително и размена на педагошки практики, едукативни и културни проекти, како и иницијативи за професионален развој на наставниот кадар и учениците.

Овој меморандум претставува значаен чекор кон зајакнување на образовните партнерства и придонесува кон унапредување на квалитетот на образованието и меѓуучилишната соработка.