Работите за реконструкција на улицата „Фаик Коница“ во населбата Дижон се во завршна фаза. Во рамки на проектот е изградена фекална канализација, реконструирана е водоводната мрежа до секој дом, а во тек се работите за асфалтирање на улицата и изградба на тротоарите.

„Вака се работи на секоја улица, во секоја населба, низ целиот Чаир. Инвестициите во инфраструктурата се наш приоритет, бидејќи обезбедуваат подобри услови за живот за секој граѓанин,“ истакна градоначалникот на Општина Чаир, Изет Меџити.

Текот на работите на терен го следеа претседателот на Советот на Општина Чаир, Мухамед Муртези, и министерот за животна средина и просторно планирање, Мухамед Хоџа, кои се запознаа со завршната фаза од реализацијата на оваа инвестиција.