Булеварот „Митхат Фрашери“ влегува во фаза на реализација како еден од најзначајните инфраструктурни проекти за Чаир. Градоначалникот на Општина Чаир, Изет Меџити, заедно со градоначалникот на Град Скопје, Орце Ѓорѓиевски, извршија увид на почетокот на проектот на делницата од улицата „Џон Кенеди“ до булеварот „Босна и Херцеговина“, во должина од 1,4 километри.
Проектот предвидува четири сообраќајни ленти, централен зелен појас, велосипедски патеки, безбедни тротоари за пешаци и простори за автобуските постојки, нудејќи современи сообраќајни решенија.
Овој проект, финансиран од Град Скопје, ќе придонесе за подобрување на сообраќајот, зголемување на безбедноста и унапредување на урбаниот развој на Чаир.
