Në shkollën fillore “Ismail Qemali”, drejtoresha e shkollës Burbuqe Ymeri, drejtorët e të gjitha shkollave fillore të Çairit dhe mësimdhënës mirëpritën për të përfituar nga përvoja e saj 44 vjeçare në fushën e arsimit Dr. Adriana Fishta – Bejkon, anëtare e trungut familjar të Gjergj Fishtës, mësimdhënëse e shkëlqyer, lektore dhe pedagoge në mjaft univerzitete botërore, si dhe prezantuese në shumë konferenca ndërkombëtare.
Leksionet e trajnimit të sotëm për përshtatjen më të lehtë të trurit me gjuhët e huaja nën udhëheqjen e saj ishin padyshim inovacion metodologjik për pjesëmarrësit. Gradat më të larta shkencore, Dr. Fishta – Bejko i ka arritur në Kanada ku për kontributin e veçantë ka fituar çmimet “Teacher of the year” në vitin 2016 dhe “Lifetime Achievement” në vitin 2018”.
