Janina Dardhishta ditë më parë u shpall kampione shtetërore në karate, gjegjësisht në kategorinë Kadet kumite për femra +54 kg dhe sot kryetari i Komunës së Çairit, Visar Ganiu ishte nikoqir i kësaj kampione kaq të re në moshë.
Me Janinën sikurse edhe trajnuesin Muarrem Imeri të klubit të Karatesë Forca, pjesë e së cilës është kampionia, diskutuam për rëndësinë e mbështetjes që duhet ta kenë sportistët në çdo kohë. Gjithashtu ishim dakord se këto arritje si të Janinës janë një shembull i shkëlqyeshëm për gjeneratat e reja”, ka thënë Ganiu.
Ndryshe, Janina Dardhishta do të jetë përfaqësuese e Republikës së Maqedonisë së Veriut në Kampionatin Evropian të karatesë qe do të mbahet në Republikën e Çekisë në qershor të këtij viti.
