Донацијата реализирана денес од страна на компанијата Мармарис, преку г. Јусуф Алиу, претставува значаен чин на солидарност кон Гинеколошката болница „Мајка Тереза“ во Чаир. Донацијата од 10 лабораториски столици за вадење крв придонесува за подобрување на условите за пациентките и олеснување на работата на медицинскиот персонал.
Градоначалникот на Општина Чаир изрази посебна благодарност до компанијата Мармарис за овој вреден гест, кој ја потврдува нивната искрена посветеност кон потребите на јавните институции. Благодарност беше упатена и до директорката на болницата, г-ѓа Пранвера Изаири, за континуираната соработка и ангажман, како и до директорот на Детската клиника, г. Реџеп Мемеди, и пратеничката Мерита Коџаџику за нивното присуство и поддршка на овој значаен настан за заедницата.
Оваа донација претставува јасен пример за интеринституционална соработка и придонес на приватниот сектор во унапредување на јавните услуги, носејќи директни придобивки за граѓаните.
