Улицата „Славеј Планина“ го добива името на екс Претседателот на Косово „Ибрахим Ругова“

Во една од најстарите населби на општина Чаир и многу блиску до Скопското Кале денеска заедно со претседателката на Република Косово Вјоса Османи Садриу го олицетворивме историскиот претседател д-р Ибрахим Ругова со именување на една од улиците на главниот град на земјата по неговото име. Со нас денеска беше и Теута Ругова, ќерката на претседателот Ибрахим Ругова.

Ова е најмалото нешто што можеме да го направиме за еден толку истакнат лидер на нашата нација, човек кој до последниот миг од својот живот дишеше за Косово особено и за Албанците воопшто.

Доктор Ибрахим Ругова навистина не го виде независното Косово со свои очи, но денес не само што го гледаме независното Косово туку и неговото име го овековечуваме насекаде надвор од границите за никогаш да не го фати ниту една честичка на заборавот.

Животот, душата и делото на Ибрахим Ругова се преточени во светлина и инспирација за сите Албанци каде и да живеат.

Заедно со претседателката ја посетивме и нашата Стара чаршија, положивме цвеќе кај спомениците на Скендербег и на Хасан Приштина.

Претседателке Вјоса Османи, ви благодариме за честа што му ја направивте на Скопје денес!